Kandidatja për kryetar shteti, Gordana Siljanovska – Davkova konsideron se në rrethin e parë të zgjedhjeve i ka frymëzuar mjaftueshëm qytetarët që të dalin të votojnë edhe në rrethin e dytë.
Ajo mendon se në rrethin e dytë do të jenë më të guximshëm ata që sipas saj, kanë përjetuar trysni, përcjell Telegrafi Maqedoni.
“Mendoj se në rrethin e dytë zgjedhor do të jenë më të guximshëm ata ndaj të cilëve është kryer trysni, e gjithashtu mendoj se në rrethin e dytë ata që kishin dilema, të njëjtat i kanë zgjidhur”, shprehet Siljanovska.
Sipas saj, më 5 maj do të ketë arsye për festë, e pse jo një femër të jetë kryetare shteti për herë të parë.
“Rezultati është i qartë, mendoj se jemi në rrugë të drejtë dhe se më 5 maj do të kemi arsye për festë, e pse jo që për herë të parë një grua të fitojë në Maqedoni në zgjedhje presidenciale”, thekson kandidatja e opozitës.
Siljanovska shtoi se qytetarët e kanë fjalën e saj dhe se do të jetë pranë tyre, dhe se nuk do të harrojë se çdo gjë arrihet me mbështetjen e tyre.
Arrestohet një person në Mitrovicë, i kërkuar me urdhër arre...
“Të duam”, yjet e ‘One Direction’ bëhen bashkë pas vdekjes ...
Komisioni Hetimor interviston zyrtarët e arsimit për subvenc...
Sot fillon xhiro e nëntë në Superligën e Kosovës – një takim...
Gjykata e posaçme dënon ish anëtarin e Kushtetueses Fatos Lu...
Horoskopi, çfarë parashikojnë yjet për ju